Mistoqsijiet Komuni
1. Minn liema sena bdew jinżammu l-atti tat-twelid, żwieġ u mewt fir-Reġistru Pubbliku?
    Dawn bdew jinżammu mis-sena 1863.

2. U fejn jista' wieħed isib dawk ta' qabel?
    Qabel is-sena 1863 dawn kienu jiġu dokumentati mill-awtoritajiet ekkleżjastiċi miżmuma biss fl-arkivji tal-knisja.     Għalhekk ċertifikati tal-magħmudija, żwieġ u mewt ta' dak iż-żmien jistgħu jintalbu mill-parroċċi relattivi ta' l-irħula u     bliet Malta u Għawdex.

3. Jista' wieħed jitlob l-arblu tar-razza mir-Registru Pubbliku?
    Le, riċerki għall-arblu tar-razza ma jsirux minn dan id-dipartiment. Ir-Reġistru Pubbliku jista' joħrog biss ċertifikati     tat-twelid, żwieg u mewt meta jiġi mogħti id-dettalji kollha neċessarji mill-applikant. Madankollu riċerki bħal dawn     isiru minn genealogisti privati. Lista ta' dawn in-nies tista' tinkiseb mid-Dipartiment ta' l-Informazzjoni ta' numru 3,     Pjazza Kastilja, l-Belt, Valletta, Malta, Numru tat-telefon 2200 1700 / 2200 1739, indirizz ta' l-e-mail     info.doi@gov.mt jew 153@gov.mt.